دوکتور عبدالکریم توتاخیل به حیث معاون انسجام امور دولت، اداره امور ریاست جمهوری، به کارمندان این اداره معرفی گردید

بر اساس پیشنهاد ریاست عمومی اداره امور ریاست جمهوری و منظوری مقام عالی ریاست جمهوری، پوهنمل دوکتور عبدالکریم توتاخیل در بست مافوق رتبه و با حفظ حقوق کادر علمی، به حیث معاون انسجام امور دولت اداره امور ریاست جمهوری مقرر گردید.

دوکتور توتاخیل، طی مراسمی از سوی داکتر فضل محمود فضلی رئیس عمومی اداره امور ریاست جمهوری، به کارمندان این اداره معرفی گردید. 

دوکتور عبدالکریم توتاخیل استاد پوهنتون کابل و دارای تحصیلات عالی الی مقطع دوکتورا از کشور فرانسه می‌باشد و پیش از این به حیث رئیس پوهنتون پکتیا و مشاور اداره امور ریاست جمهوری، کار کرده است.