ملى تداركات:

ملى تداركات:

 

ملى تداركات:

 

پاره خورليك بيلن كوره شيش و تداركات تيزيمينى اونگلش مقصديده  أفغانستان اسلامى جمهوريتى  جمهور رييسى محترم محمد اشرف غنى نينگ 1393/07/20   تاريخيده  امضالگن ١٦ سانلى فرمانى اساسيده ملى تداركات اداره سى ، جمهور ريسليك نينگ امور اداره سي عمومي رياستي چارچوبه سيده ايجاد ايتيلدى.

 

 

ملى تداركات كميسيونى:

أفغانستان اسلامى جمهوريتى  جمهور رييسى نينگ ٧٥ سانلى تقنينى فرمانى اساسيده  ملى تداركات كميسيونى تشكيل ايتيليب  ملى تداركات قانونلريگه ماس بيللى بير قوللنمه تيارله نيب كميسيون تامانيدن  تصديقلنگن  و ايشگه آشيريله دى.

 

 

 

ملى تداركات كميسيونى نينگ وظيفه و مسؤوليتلرى:

 

مملكت ملى تداركات قانونى نينگ ايلليك تورتينچى ماده سى گه  كوره  ملكى تداركات كميسيونى نينگ  صلاحيت و مسؤوليتلرى قوييده گيلر:

 

  • آمر نينگ صلاحيتلرى دن يوقارى بولگن تداركاتى شرطنامه لرنى امضالش و تيكشيريش
  • اداره لر نينگ صلاحيت و وظيفه لرينى بيلگيلش
  • ملى تداركات كميسيونى نينگ باشليغى تامانيدن كميسيون اعضالرى  نينگ تنله نيشى
  • اداره لر نينگ آمرلريدن شرطنامه لر عملگه  آشيريليشى حقيده  گزارش آليش
  • تكليف قيلينگن شرطنامه ايستكلرينى تيكشيريش
  • شرطنامه لر نى اعتبارسيز قيليش، قيته تيكله ش و رخصت بيريش
  • ملى تداركات اداره سى نينگ تكليفى اساسيده اداره لر نينگ وظيفه و صلاحيت لرينى كوزدن كيچيريش
  • ملى تداركات كميسيونى خاص موردلرده مملكت نينگ ملى منفعتينى نظرده توتيب وضعيت گه قره ب مناسب قرارلرنى آله دى

 

 

 

 

ملى تداركات اداره سى:

 

ملى تداركات اداره سى  أفغانستان اسلامى جمهوريتى  جمهور رييسى  محترم محمد اشرف ﻏﻨﯽ نينگ بويروغى اساسيده  إيجاد ايتيليب  و ملى تداركات قانونى نينگ  ايلليك تورتينچى ماده  سيگه كوره  قوييده گى وظيفه و مسؤوليتلرگه ايگه دير:

 

 

 

  • اداره لر تامانيدن تكليف قيلينگن شرطنامه لرنى تيكشيريش و قرار آلينيشى اوچون ملى تداركات كميسيونى گه  گزارش بيريش؛
  • تداركات قانونى و تداركات قوللنمه سى عملى قيلينيشى مقصديده اداره لر نينگ تداركات باسقيچ لرينى تيكشيريش و نظارت قيليش؛
  • شرطنامه لر نينگ تداركات قوللنمه سيگه ماس آلغه آليب باريليشينى نظارت قيليش؛
  • تداركات پاليسى لرى، قوللنمه لر، لايحه لر، متحدالمال لر، شرطنامه و باشقه تور حجت لرنى تيارلش، تيزيش، تصديق لش و اجرأت ايشلرنى يخشيلشتيريش و باشقه اداره لرگه يوباريش؛
  • اداره لر نينگ تداركاتى قابليتلرينى تيكشيريش و اولرگه قابليت سرتيفيكتلرى  بيريش؛
  • قانون بوزرليك قيلگن داوطلب و شرطنامه لر نى محروم قيليش؛
  • قانون بوزرليك قيلگن كيشى و قوريليش لرنى عدلى و قضايى ارگان لرگه تانيشتيريش؛
  • تداركات نى اقتصادى و احتمالى تامانلرى نى يخشيلب قره ب چيقيش و بو توغريده قرار آليش اوچون كيره كلى معلوماتلرنى توپلش؛
  • تداركات ده تكنالوژى معلوماتى دن فايده له نيليشى اوچون پاليسى بيلگيلش؛
  1. كدر لر بوليمينى رواجلنتيريش، مسلكى جهتدن قابليتلرينى آشيريش، تعليمى تدبيرلرنى اوتكزيب سرتيفكت لر بيريش و تداركات ايشلرى گه تعيينلنگن كيشيلر و خادملر لر نينگ كدرى و مسلكى ايشلرينى  باشقريش؛  
  2. إعطاء آمرى نينگ پولى صلاحيت لرينى تيكشيريش و صلاحيتلرى نى كوزدن كيچيريش و كيره ك بولگن پيتده او نى ملى تداركات كميسيونى گه پيشنهاد قيليش؛
  3. ملى تداركات اداره سى ،اداره لرده اعطاء آمرى صفتيده اجرأت قيله آلمه يدى؛
  4. كيره ك بولگن پيتده تداركات نينگ اداره لر ده گى ناظرلرينى تداركات ايشلرى نينگ مؤثرليگى همده  تقنينى حجت لرگه كوره تداركات باسقييچ لرى گه ماس كيليشينى تيكشيريش  و ايشانچ حاصل قيليش اوچون تعيين قيله آله دى؛
  5. تداركات قانونى و تداركات قوللنمه سى اساسيده تاپشيريلگن باشقه وظيفه لر؛
  6. اساسى و مهم پوست لرده تداركات خادملرى نى ايشگه آليش پروسه سيده تخصص، ظرفيت و شفافليك بوليشيدن ايشانچ حاصل قيليش اوچون ملى تداركات اداره سى نينگ نماينده سى بوليشى حتمى دير؛
  7. اولكه نينگ تداركات تيزيمى اوزگرتيريليشينى حقيده باشقه لرنى بيلديريش و آگاه لنتيريش و معلوماتلردن فايده لنيش حقوقلرينى رعايه قيليش؛

 

 

 

 

 

 

ویب‌سایت لینکی