شیخ الحدیث مولوي نورالحق انور د مزار هوټل سوداګریز مرکز څخه لیدنه وکړه

یاده لیدنه د چارو ادارې لوی رئیس شیخ الحدیث مولوي نورالحق انور، د یادې ادارې د ملي اقتصاد او زیربناوو رئیس مفتي شمس الرحمن او د پالیسۍ او ستراتیژۍ رئیس مفتي عبدالواحد عثماني په ملتیا سره ترسره شوه.

هفته، د ۱۴۴۷هـ.ق ذوالقعدې اتمه/ ۱۴۰۵ غویي پنځمه.

بلخ ولایت کې د چارو ادارې لوی رئیس شیخ الحدیث مولوي نورالحق انور او مل پلاوي د امارتي شرکتونو لوی ریاست د هوټلونو، امارتي شرکت اړوند د مزار هوټل سوداګریز مرکز څخه لیدنه ترسره کړه.

د چارو ادارې لوی رئیس د یاد سوداګریز مرکز له چارو څخه د لیدنې پر مهال په دې خوښي وښوده، چې د هېواد تجارانو په داخل د هېواد کې په لوړه سطحه پانګونه کړې.

د یادونې وړ ده چې یاد سفر کې به له نورو پروژو څخه هم لیدنه ترسره شي.