د افغانستان اسلامي امارت د کابینې اتمه غونډه د رئیس الوزراء ښاغلي الحاج ملا محمدحسن اخند په مشرۍ نن دوشنبه «۱۴۴۶ ھ ق کال د ربیع الثاني ۱۱مه/تلې ۲۳مه» نېټه ترسره شوه او د يو شمېر موضوعاتو په اړه په کې بحث او پرېکړې وشوې.

د کابينې دا غونډه چې د قرانکريم په تلاوت پيل شوه، له اجنډا سره سم په کې د فرامینو او حکمونو د تعقیب او نظارت لوی رئیس مولوي شمس الدین شریعتي په مشرۍ پلاوي ته دنده وسپارل شوه، چې هېواد ته د بې کیفیته تېلو د وارداتو مخنیوي اړوند دې د اقتصادي معاونیت د طرحې په پام کې نيولو سره هر اړخیزه څېړنه وکړي او وروستی راپور دې د کابینې غونډې ته وړاندې کړي.

همدا راز د کورنیو چارو وزارت په مشرۍ یو پلاوي ته دنده وسپارل شوه چې هېواد ته د رکشو واردولو او په ښارونو کې د ګرځېدو اړوند یوه طرحه جوړه کړي او پایله دې د کابینې غونډې ته وړاندې کړي.

د کابينې دا غونډه د خير په دعا پای ته ورسېده.