د دولتي ادارو د ډیجیټل کولو د کمیسیون تعقیبی ناسته وشوه

د دولتي ادارو د ډیجیټل کولو د کمیسیون تعقیبی ناسته وشوه


د جمهوري ریاست د چارو ادارې د پانګونې د اسانتیا واحد رييس عطاالله نصیب په حضور کې د دولتي ادارو ډیجیټل کولو په اړه د جلالتمآب جمهور رییس د فرمان د تعقیب په موخه غونډه وشوه.
دغه ناسته کې، چې د مخابراتو او معلوماتي ټکنالوژۍ وزیرې، د احصایي مرکزي ادارې، اترا ادارې ،ملي راډیو ټلویزیون، د ملکی هوایی چلند اداري رییسانو او په متحده عربي اماراتو کې د افغانستان سفیر حضور درلود، په پېل کې د چارو ادارې د پانګونې د اسانتیا واحد رییس عطاالله نصیب د دولتي ادارو ډیجیټل کولو په اړه د هېواد د جلالتمآب جمهور رییس فرمان او لیدلوري په اړه خبرې وکړې.
د مخابراتو او معلوماتي ټکنالوژۍ وزیرې معصومه خاوري او د کمیسیون نورو غړو د جلالتمآب جمهور رییس د هدایت، په هېواد کې د موجودو سیستمونو د قوت او ضعف په اړه نظرونه شریک کړل. همدارنگه د ملکی هوایی چلند اداري لوی رئیس فهد داوود مهمند د پرزنټشن په وړاندې کولو سره د دولتي ادارو ډیجیټل کولو برخه کې د همغږیتوب په پیاوړتیا ټینګار وکړ.
د غونډې په پای کې پرېکړه وشوه، چې د کمیسیون غړي له هغو نهادونو سره، چې د ډیجیټل سازۍ برخه کې تجربې لري، د همکاری لړۍ کړي او دغه راز د هېواد د سیستمونو اوسنی وضعیت تعریف او له جلالتمآب جمهور ريیس سره یې شریک کړي