ایشلاووچیلرنی چیت ایلگه جونتیش اوچون اوچ کمیسیون نینگ قیلگن ایشلری و معمالریدن گزارش قولگه کیریتیش مقصدیده هماهنگلیک ییغیلیش اوتکزیلدی

ایشلاووچیلرنی چیت ایلگه جونتیش اوچون اوچ کمیسیون نینگ قیلگن ایشلری و معمالریدن گزارش قولگه کیریتیش مقصدیده هماهنگلیک ییغیلیش اوتکزیلدی


ایشلاووچیلرنی چیت ایلگه جونتیش اوچون اوچ کمیسیون نینگ ایشلری و معمالریدن گزارش قولگه کیریتیش مقصدیده ایشلر اداره سی نینگ تشقی ایشلرنی بیرلشتیریش بوییچه ریاستی تامانیدن تشقی ایشلر، ایش و اجتماعی ایشلر، قاچقینلر، عالی اوقوو، معارف وزیرلیگلری همده ملی خوفسیزلیک عمومی ریاستی و خصوصی ایش بیلن تامینلی‌دیگن شرکت لر نماینده لری اشتراکی بیلن هماهنگلیک ییغیلیش اوتکزیلدی.
ایشلر اداره سی نینگ تشقی ایشلرنی بیرلشتیریش بوییچه رییسی اتل شمس، جلالتمآب مملکت جمهور رییس نینگ ایشلاووچیلرنی چیت ایلگه جونتیش توغریسیده بولگن قره شلرینی بیان قیلیب، ایشلاووچیلرنی قانونی شکلده چیت ایلگه جونتیش بیرقنچه عایله لرنی مالی درآمدلرینی کوپ قیلیشگه سبب بوله دیب ایتدی.
باشقه تماندن، ایش و اجتماعی ایشلری بوییچه وزیرلیگی نینگ نمانیده سی، ایشلاووچیلرنی چیت ایلگه جونتیش اوچون اوچ کمیسیون نینگ تاریخی، قیلگن ایشلری و معمالری حقیده معلومات‌لر تقدیم قیلیب، مذکور توغریده تیگیشلی اداره لرنی همکارلیگ قیلیش لرینی طلب قیلدی.
شونینگ دیک، تیگیشلی اداره لرنینگ یول خریطه سی، وظیفه لری و تکلیف لری پریزنتیشن آرقلی ایشلر اداره سی نینگ تشقی علاقه لرنی بیرلشتیریش ریاستی تامانیدن تقدیم بولدی .
باشقه تماندن، اوشبو ییغیلش ده، تیگیشلی اداره لر مذکور اوچ کمیسیون نینگ معمالری توغریسیده اوز نظرلرینی شریک قیلیب معمالرنی حل قیلیش و آسانلتیریش اوچون قاچقینلر عالی کینگشی ایجاد بولیشینی طلب قیلدیلر.
ییغیلش سونگی ده، ایشلاووچیلرنی چیت ایلگه جونتیش اوچون قاچقینلر عالی کینگشی نینگ معین لر درجه سیده ایجاد قیلیش ایشینی باشلش توغریسیده و یول خریطه سینی یادداشت ترتیبی گه سالیب جمهور رییسلیک عالی مقامی ده یوباریشگه قرار قبول قیلیندی.