جلالتمآب مملکت جمهور رییسی نینگ بویروغینی تعقیب قیلیش مقصدیده، دولت اداره لرینی دیجیتالنتیریش جریانی نی تیزلشتیریش بوییچه کمیسیونی ا.ا.ج.رییسلیگی ایشلری بوییچه عمومی اداره ریاستی سرمایه لرنی آسانلنتیریش واحدی نینگ باشلیغی عطا الله نصیب رهبرلیگیده ییغیلیش بولیب اوتدی.
اوشبو ییغیلیش ده، علاقه لر و تکنالوژی وزیرلیگی نینگ وزیری، احصاییه و معلومات، اترا، ملی رادیو تلویزیون اداره لری همده مالیه وزیرلیگی نینگ نماینده سی اشتراک قیلیب؛ بیرینچی دن ایشلر اداره سی سرمایه لرنی آسانلنتیریش واحدی نینگ باشلیغی عطا الله نصیب جلالتمآب مملکت جمهور رییسی ننیگ دولت اداره لرینی دیجیتالنتیریش توغریسیده بولگن بویروغی نینگ اهمیتی حقیده صحبت قیلیب فکر المشتیردی.
علاقه لر و تکنالوژی وزیرلیگی نینگ وزیری معصومه خاوری جلالتمآب جمهور رییس نینگ بویروغی نی خوش قرشیلب و مذکور توغریده هرتمانلمه همکارلیک و تعقیب قیلیش نی ایشانچ بیردی.
اترا اداره سی نینگ باشلیغی عمر منصور انصاری حاضرده گی تیزیم لر حقیده صحبت قیلیب دولت اداره لریده موجود بولگن تیزیم لرگه قیته دن کوریب چیقیشینی تاکید قیلیب، مملکت ده گی امکانیت لردن کته درجه فایده لنیش کیرک دیب ایتدی.
ییغیلیش سونگی ده، مذکور کمیسیون ده کوپراغ هماهنگلیک کیلیشی همده همکارلیک بولیشی اوچون هفته لیک ییغیلیش اوتکزیلیب و بجرگن ایشلری نینگ گزارشی نی کیله جک بیر آی ایچیده جلالتمآب جمهور رییس گه یوبارلسین دیب قرار قبول قیلیندی .