ینگی اوی جای و استملاک اداره‌سی آچیلیشی مقصدیده هماهنگلیک ییغین اوتکزیلدی
جمهورلیک ریاستی عالی کینگش لر انسجام ریاستی نینگ ینگی اوی جای و استملاک اداره‌سی آچیلیشی مقصدیده اویوشتیریلگن هماهنگلیک ییغیلیشی شهر قوریش وزیرلیگی، محلی ارگانلر، کابل شهردارلیگی و پایتخت زون رواجله نیش اداره‌سی نماینده‌لری اشتراکی اوتکزیلدی. جمهورلیک ریاستی کینگشلر ایشلری بوییچه انسجام رئیسی شاپور ژمن، سوو عالی کینگشی، ییر بوتونلیگی، شهری رواجله نیشی و اطراف محیطنی تازه سقلش اداره‌لری نینگ قراری اساسیده شهر قوریش وزیرلیگی تشکیلاتیده ینگی اوی جای و استملاک اداره‌سی پرنسیبده تصدیقلندی دیدی. مذکور کینگش بوندن آلدین، شهر قوریش وزیرلیگی گه اوشبو اداره ایجاد بولیشی خصوصیده‌گی عملی طرحلرنی پیشنهاد قیلیش وظیفه‌سینی تاپشیرگن ایدی. شهر قوریش وزیرلیگی نینگ معینی گلرحمن توتاخیل ینگی اوی جای استملاک اداره‌سی نینگ آچیلیش میکانیزیم لایحهسینی ییغیلیشگه بیلدیردی. ییغین اشتراکچیلری لایحه اوستیده هر تامانلکه بحث قیلیب فکر و ملاحظه‌لرینی بیلدیردیلر. ییغیلیش نینگ یکونی قسمیده اشتراکچی اداره‌لرنینگ نماینده‌لری بو لایحه توغریسیده‌گی اوز فکر و ملاحظه‌لرینی یازمه شکلده شریک قیلیشلری حقیده قرار قبول قیلیندی. شونینگدیک شهر قوریش وزیرلیگی بونینگ عملی میکانیزیمنی اصلاح ایتیب سوو عالی کینگشی، ییر بوتونلیگی، شهری روجاله‌نیش و اطراف محیطنی تازه سقلش اداره‌لریگه تاپشیریش مقصدیده اون کونگچه جمهورلیک ریاستی ایشلری بوییچه اداره بیلن اورته گه قوییلیشی بیلدیلریلدی.