مدنی اعتراضلر قانونی دن خبردار قیلیش همده منسجملش مقصدیده، ا.ا.ج.رییسلیگی ایشلری بوییچه عمومی اداره ریاستی نینگ دولت ایشلرینی منسجملشتیریش بوییچه اورین باسری رهبرلیگیده کابل شهری 18 نچی ناحیه سی نینگ بیرقطار گذر وکیللری، عیاللری و یاشلری اشتراکی بیلن ییغلیش بولیب اوتدی.
بیرینچی دن، ا.ا.ج.رییسلیگی ایشلری بوییچه عمومی اداره ریاستی نینگ دولت ایشلرینی منسجملشتیریش بوییچه اورین باسری، جلالتمآب جمهور رییس نینگ قره شلرینی گذر وکیللری،عیاللر و یاشلر توغریسیده بیان قیلیب، اجتماعلر، اعتصاب لر، نمایشلر و تحصن لرنی یولگه قوییلیشی هر بیر افغان نینگ قانونی حق لری دن بیری بولیب و اوشبو مدنی اعتراض لر قانون سایه سیده اوتکزیلیشی کیرک دیب ایتدی.
شونینگ دیک توتاخیل جنابلری، افغانستان حکومتی، مملکت نینگ مصلحتی و ملی فایده لری اوچون عادی اهالی نینگ قانونی ایستکلری ییشیتیب و خلق بیلن حکومت اورته سیده بولگن فاصله لرنی آز قیلیش گه سعی و حرکت قیله دی دیب ایتدی.
کیین، مملکت نینگ مدنی اعتراضلر قانونی، اشتراک قیلگن کیشی لرگه جمهور رییسلیک نینگ ایشلر اداره سی فرهنگی و اجتماعی ایشلری بوییچه ریاستی نینگ مدنی اعتراضلر متخصصلری تامانیدن پریزنتیش آرقلی تقدیم بولدی.
باشقه تماندن گذر وکیللری، عیاللر و یاشلر علیحده شکلده، اوز حمایت لرینی نظام، قانون و حکومت دن اعلان قیلیب، عادی اهالی و حکومت اورته سیدن فاصله لرنی آز قیلیش اوچون خلق نینگ مدنی اعتراضلر قانونی و باشقه قانون لردن آگاه بولیش لرینی مهم عنوان قیلدیلر.
ییغیلیش سونگی ده، گذر وکیللری، عیاللر و یاشلر بیلن حکومت اورته سیده بولگن فاصله لرنی آز قیلیش اوچون ا.ا.ج.رییسلیگی ایشلری بوییچه عمومی اداره ریاستی تامانیدن دواملی ییغیلیش لر اوتکزیلیشیگه قرار قبول قیلیندی.