ا.ا.ج.رییسلیگی ایشلری بوییچه عمومی اداره نینگ دولت ایشلرینی منسجم‌لشتیریش بوییچه اورین باسری دوکتور عبدالکریم توتاخیل رهبرلیگیده ملی امتحانلر اداره سی‌نینگ معمالرینی حل قیلیش مقصدیده شهرسازلیک و ییرلر وزیرلیگی، ایچکی ایشلر وزیرلیگی، مدافعه وزیرلیگی، عالی اوقوو وزیرلیگی، معارف وزیرلیگی، ایش واجتماعی ایشلر وزیرلیگی ، ملی امتحان لر اداره سی ، اداری اصلاحات و ناحربی خذمتلر کمیسیونی نینگ نماینده لری اشتراکی بیلن موافقلشتیریش ییغیلیش بولیب اوتدی. اوشبو اوچره‌شووده، دایمی تعمیری و سیناولر موادلرینی تـَشیش اوچون ترانسپوت بۉلمسلیگی، ملي مدافعه وزیرلیگی تامانیدن سیناولر پرسونلی و موادلر تـَشیلمسلیگی، عالي اۉقوو وزیرلیگی تامانیدن معین زمانده جذب اېتیش ظرفیتی و بۉلیملر کودلری انیقلنمسلیگی و ملي سیناولر اداره‌سی‌نینگ 5 و 6- بستلر سیناولری اداري اصلاحاتلر و ناحربي خذمتلر کمیسیونی تامانیدن آلینیشی خصوصیده بحثلر بۉلیب اۉتدی. ییغیلیش سۉنگ چاغیده، ملي سیناولر اداره‌سی دایمي تعمیر یۉقلیگی تۉغریسیده‌گی اۉز لایحه‌سینی یېرلر و شهر قوردیریش وزیرلیگیگه تاپشیریشی لازم و سیناولر موادلرینی تـَشووچی ترانسپورت قیینچیلیگی ینگی مالي ییل بۉدجه‌سیده نظرده توتیلیشی کېره‌ک، دېیه قرار قیلیندی. شونینگ‌دېک، سیناولر پرسونلی و موادلرینی تـَشیش مسوولیتی ملي مدافعه وزیرلیگی بیلن هماهنگلشیش مقصدیده ا.ا.ج. رییسلیگی ایشلر اداره‌سی‌نینگ مدافعه و خوفسیزلیک ریاستیگه تاپشیریلدی، همده عالي اۉقوو وزیرلیگی جذب اېتیش ظرفیتی و بۉلیملر کودلرینی انیقلشگه وظیفه‌لندیریلدی. اداري اصلاحاتلر و ناحربي خذمتلر کمیسیونی و ملي سیناولر اداره‌سی آره‌سیده 5 و 6- بستلر سیناوینی دایر اېتیش مقصدیده کېلیشوو امضالندی.