Fortescue شرکتی نینگ ایش جریانی نی تیزلشتیرش توغریسیده جمهور رییس‌لیک عالی مقامی نینگ بویروغی عملگه آشیش اوچون مذکور شرکت بیلن ا.ا.ج.رییسلیگی ایشلری بوییچه عمومی اداره ریاستی نینگ سرمایه لرنی آسانلنتیریش واحدی تامانیدن شهرسازلیک و ییرلر وزیرلیگی، کانلر و پترولیم وزیرلیگی، زراعت، سوو ییتیشتیریش و چارواچیلیک وزیرلیگی، محیط زیست اداره‌سی، سوو ایشلرینی تنظیملش اداره سی ، انرژی خذمتلرینی تنظیم لش اداره سی و Fortescue شرکتی نینگ نماینده لری اشتراکی بیلن موافقلشتیریش ییغیلیش اوتکزیلدی.
اوشبو ییغیلیش ده، سرمایه لرنی آسانلتیریش واحدی نینگ باشلیغی عطاالله نصیب همده تیگیشلی وزیرلیکلر و اداره لر نماینده لری ایشلاووچیلر ظرفیتلرینی آشیریش، ساحه لرنی اولچش و لایحه لر طلب قیله دیگن ییرلرنی ساتیب آلیش، ایشنی باشلش، Fortescue شرکتی ده تیگیشلی بولگن قانون حجتلرینی تاپشیریش و محیط زیست اطرافیده مطالعه قیلیش توغریسیده هرتمانلمه بحث قیلیب اوتیدیلر.
Fortescue شرکتی نینگ نماینده سی، سرمایه یاتقیزیش اوچون نطقه لر معین بولگن و قوشمه شکلده ایشلشمیز کیرک دیب شونینگ دیک تدقیاتلر یترلی ایمس و حاضر بیزلرنینگ تخنیک تیمی میز اوز تدقیات لرینی تکمیل قیله دیلر دیب ایتدی.
ییغیلیش سونگی ده، بوتون حجت ومعلوماتلر Fortescue شرکتی ده سرمایه یاتقیزیش اوچون توپلنیب و شرکت ده تاپشیریلیب و سرمایه یاتقیزه دیگن شرکت بوتون برنامه و پلان لرینی ا.ا.ج.رییسلگی ایشلری بوییچه عمومی ریاستی نینگ سرمایه یاتقیزیش بولیمی بیلن شریک قیلیش گه قرار قبول قیلیندی.