جمهور رییسلیک عالي مقامی‌نینگ دستورلرینی تعقیب اېتیش و جنیوا کنفرانسی‌نینگ وعده‌لرینی قنده‌ی عملگه آشیریش بۉییچه ییغیلیش اۉتکزیلدی
جمهور رییسلیک عالي مقامی‌نینگ دستورلرینی تعقیب اېتیش، وزیرلر محکمه‌سی و جمهور رییسلیک عالي کېنگشلری‌نینگ مصوبه‌لرینی عملگه آشیریش، جنیوا کنفرانسی‌نینگ وعده‌لرینی عملگه آشیریش و ا.ا.ج. رییسلیک ایشلر اداره‌سی‌نینگ باشلیغی داکتر فضل محمود فضلي و اقتصاد وزیرلیگی‌نینگ رهبرلیگی اشتراکیده ا.ا.ج. رییسلیک ایشلر اداره‌سی و اقتصاد وزیرلیگی آره‌سیده مستحکم اۉیغونلـَشیش ایجاد اېتیلیشی اوچون ییغیلیش اۉتکزیلدی.
اقتصاد وزیری داکتر کریمه حامد فاریابي یوتوقلر، بېش ییللیک استراتېژیک پلان و مستحکم رواجلنتیریش، همده اوشبو وزیرلیک‌نینگ کېله‌جک رېجه‌لری تۉغریسیده معلومات بېریب، تشکیلي توزیلیش معمالری، تخنیک خادملری‌نینگ نامتناسبلیگی و ایش اَره‌لـَشووی بۉییچه سۉزلب اۉتدی.
شونینگ‌دېک او، اقتصاد وزیرلیگی‌نینگ ایشلرینی قـَیته کۉریب چیقیش، تشکیلي توزیلیشنی اصلاح اېتیش، جنیوا کنفرانسی‌نینگ وعده‌لری عملي اېتیلیشی جریانیده اقتصاد وزیرلیگی‌نینگ اۉرنی مهم بېلگیلـَنیشی و ا.ا.ج. رییسلیک ایشلر اداره‌سی بیلن هماهنگلیکده تخنیکي ییغیلیشلر اۉتکزیلیشنی یېچیم صفتیده توصیه اېتدی.
داکتر فضل محمود فضلي، اقتصاد وزیرلیگی رهبرلیگی‌نینگ تلاشلری اوچون منتدارچیلیک بیلدیریب، مملکت جلالتمآب جمهور رییسی‌نینگ اقتصاد سکتوری و برابر رواجلـَنیش تۉغریسیده‌گی قره‌شلرینی بیان اېتیب، کۉپراق اۉیغونلـَشیش اوچون اقتصاد وزیرلیگی و ا.ا.ج. رییسلیک ایشلر اداره‌سی آره‌سیده تخنیکي و تفصیلي ییغیلیشلر، همده ورکشاپلر اۉتکزیلدی، دېدی.
شونینگ‌دېک ا.ا.ج. رییسلیک ایشلر اداره‌سی‌نینگ باشلیغی، 1400- ییل‌نینگ بیرینچی اوچ آییده، متناسب رواجلـَنیش، شفافلیک و جنیوا کنفرانسی‌نینگ وعده‌لری عملگه آشیش زمینه‌سی یره‌تیلیشی مقصدیده اقتصاد وزیرلیگی و دولت باشقه اداره‌لری‌نینگ سیستملری و ایش جریانلری دیجیتالي بۉلیشی لازم، دېیه تأکید قیلدی.او، اقتصاد وزیرلیگیدن انجولر قانونی‌نینگ مسوده‌سینی ا.ا.ج. رییسلیک ایشلر اداره‌سی‌نینگ حقوقي ریاستی همکارلیگیده ایشلب چیقیشینی طلب قیلیب، همده جماعت ملکینی یخشی رهبرلیک قیلیش و نامعقول توزیع اېتیلیش آلدینی آلیش تۉغریسیده هم تأکید قیلیب اۉتدی.
او، اقتصاد وزیرلیگی‌نینگ رهبرلیگی اوشبو وزیرلیک‌نین مهم موضوعلر رۉیخطینی ا.ا.ج. رییسلیک ایشلر اداره‌سیگه جۉنتیشینی طلب قیلیب، افغانستان حکومتی‌نینگ وعده‌لرینی عملگه آشیره‌دیگن هر بیر اصلاحي رېجه‌لردن حمایه قیلیشینی معلوم قیلدی.