ترانسپورت هماهنگلیک کېنگشی‌نینگ شکایتلرینی کۉریب چیقیش تۉغریسیده ییغیلیش اۉتکزیلدی
ترانسپورت هماهنگلیک کېنگشی‌نینگ شکایتلرینی کۉریب چیقیش تۉغریسیده، ا.ا.ج. رییسلیک ایشلر اداره‌سی‌نینگ منسجملشتیریش ریاستی اۉرین‌باسری داکتر عبدالکریم توتاخیل رهبرلیگیده، ترانسپورت، مالیه، جماعت ایشلری، ایچکی ایشلر وزیرلیگی، ترافیک باش ریاستی و ترانسپورت شرکتلرینی نماینده‌لری‌نینگ اشتراکیده ییغیلیش اۉتکزیلدی.
توتاخیل جنابلری، اوشبو کېنگش رهبرلیگی تامانیدن بیان اېتیلگن قیینچیلیکلر و تکلیفلرنی بیرمه-بیر تینگلب، محصولات و درامدلرنی قنده‌ی جمعلش خصوصیده تېگیشلی اداره‌لر آره‌سیده هماهنگلیک اۉرنتیلیشی بۉییچه تأکیدلب اۉتدی.
اداره‌لر و وزیرلیکلر، همده ترانسپورت هماهنگلیک کېنگشی‌نینگ نماینده‌لری، صحبتلردن کېین اۉزلری‌نینگ رېجه‌لری، تکلیفلری و ترانسپورت قرشیسیده‌گی قیینچیلیکلرنی بیان اېتدیلر.
اوشبو ییغیلیشده، درامدلرنی یخشی صورتده جمعلش، سالیق تۉلشدن بۉیین تاولش‌نینگ آلدینی آلیش و کۉرستمه‌لر و قانونلر عملگه آشیشیدن نظارت اېتیش تۉغریسیده، تېگیشلی وزیرلیکلر و اداره‌لر دواملی ییغیلیشلر اۉتکزیشلری یانیده، به‌تفصیل کۉریب چیقیلیشدن کېین جمهورلیک ریاستی عالي مقامیگه جۉنتیلیشی اوچون تېگیشلی حجتلر و قۉشمه رېجه نوبتده‌گی ییغیلیشده بیان اېتیلیشی لازم، دېیه قرار قیلیندی.