دیني عالملرنینگ قیینچیلیکلرینی تینگلش و اولرنی منسجملشتیریش بۉییچه، ا.ا.ج. رییسلیک ایشلر اداره‌سی‌نینگ فرهنگي و اجتماعي ایشلری بۉییچه ریاستی تامانیدن ارشاد، حج و اوقاف وزیرلیگی‌نینگ معینی و معارف وزیرلیگی‌نینگ اسلامي تعلیمات معینی اشتراکیده ییغیلیش اۉتکزیلدی.
دستلب، ا.ا.ج. رییسلیک ایشلر اداره‌سی‌نینگ فرهنگي و اجتماعي ایشلری بۉییچه ریاستی باشلیغی محبوب شاه محبوب، عالملرنینگ جامعه‌ده‌گی مهم اۉرنی بۉییچه سۉزلب، دیني عالملر ملي پروسه‌لردن حمایه قیلیشلری لازم، دېیه تأکید قیلدی.
عینِ پـَیتده، معارف وزیرلیگی‌نینگ اسلامي تعلیمات معینی مولوي عارف ملکیار، افغانستانده تینچلیک پروسه‌سیدن حمایه قیلیش اوچون هماهنگ اېتووچی یۉقاری مرتبه‌لی عالملر موجود، لېکن بو تۉغریده کۉپ ایشلش لازم، دېدی.
ارشاد، حج و اوقاف وزیرلیگی‌نینگ معینی محمد طارق عثمان، اوشبو وزیرلیک عالملرنی منسجملشتیریش و اولرنینگ قیینچیلیکلرینی حل اېتیش مملکت درجه‌سیده تلاش اېتیب کېلماقده، دېیه معلوم قیلدی.
اونینگ کۉپه‌یتیریشیچه، دیني عالملر، خطیبلر و مسجدلر اماملری حاضرگی مشروع نظامدن حمایه قیلیشلرینی معلوم قیلگنلر، یقین آره‌ده اندونیزیا و الازهر دیني عالملری بیلن افغانستان اوروشی‌نینگ نامشروعلیگی تۉغریسیده هر تامانلـَمه بحثلر باشله‌یدیلر.
محبوب شاه محبوب جنابلری، ا.ا.ج. رییسلیک ایشلر اداره‌سی عالملرنینگ قیینچیلیکلری و تکلیفلرینی جمهورلیک ریاستی عالي مقامیگه یېتیشتیریش اوچون هیچ قنده‌ی همکارلیکدن تارتینمه‌یدی، دېیه وعده بېردی.