قدیمي نورۉز بَیره‌می اۉتکزیلیشی اوچون ا.ا.ج. رییسلیگی ایشلر اداره‌سی‌نینگ فرهنگي و اجتماعي ایشلر ریاستی تامانیدن اخبارات و مدنیت وزیرلیگی، یازووچیلر کېنگشی و فنلر اکادېمیه‌سی نماینده‌لری اشتراکیده ییغیلیش بۉلیب اۉتدی.
اخبارات و مدنیت وزیرلیگی‌نینگ نشرات بۉییچه معینی شیوای شرق بَیره‌م اۉتکزیلیشی و اوشبو وزیرلیک‌نینگ بو تۉغریده کۉرگن تیارگرلیکلر خصوصیده سۉزلب، اخبارات و مدنیت وزیرلیگی قدیمي نورۉز بَیره‌می اۉتکزیلیشی اوچون علیحده بیر رېجه ترتیب بېرگن، بونینگ اساسیده ملي و خلق ارا درجه‌ده، همده نورۉز مدنیتی حوزه‌سی‌نینگ رسمي‌لری اشتراکیده 100 پروگرام اۉتکزیله‌دی، دېدی.
اونینگ قۉشیمچه قیلیشیچه، بو رېجه اساسیده 20 ته پروگرام دنیا سطحیده و 80 ته پروگرام اېسه ملي سطحده مملکتده اۉتکزیله‌دی. یېتتی سین، کنسرت، سومه‌لک بَیره‌می، اۉغلاق اۉیینی و ینه اۉنلرچه اۉیین شامل‌دیر.
او، ا.ا.ج. رییسلیگی ایشلر اداره‌سی‌نینگ فرهنگي و اجتماعي ایشلر ریاستیدن اوشبو وزیرلیک‌نینگ اَیتیب اۉتگن رېجه‌سی عملگه آشیشی اوچون یاردم بېریشینی سۉره‌دی.
ا.ا.ج. رییسلیگی ایشلر اداره‌سی‌نینگ فرهنگي و اجتماعي ایشلر ریاستی باشلیغی محبوب شاه محبوب مدنیت و اخبارات وزیرلیگی‌نینگ اوشبو رېجه‌سیدن استقبال قیلگن حالده، اونی عملگه آشیریش بۉییچه وعده بېردی.