حدّن تشقری آغیر وزن‌لی ترانسپورت واسطه‌لرینی مملکت‌گه آلیب کیلیشی‌نینگ آلدینی آلیش مقصدیده موافق‌لشتیریش ییغیلیش بولیب اوتدی
حدّن تشقری آغیر وزن‌لی ترانسپورت واسطه‌لرینی مملکت‌گه آلیب کیلیشی‌نینگ آلدینی آلیش مقصدیده ا.ا.ج.رییسلیگی ایشلری بوییچه عمومی اداره‌سی نینگ تشقی علاقه‌لرنی منسجملشتیریش ریاستی تامانیدن موافق‌لشتیریش ییغیلیش بولیب اوتدی.
اوشبو ییغیلیش‌ده، مالیه وزیرلیگی، تشقی ایشلر وزیرلیگی و تجارت و صنعت وزیرلیگی نینگ نماینده لری اشتراک ایتگن ایدی، اونده ا.ا.ج.رییسلیگی نینگ ایشلری بوییچه عمومی اداره‌سی‌نینگ تشقی علاقه‌لرنی منسجملشتیریش ریاستی باشلیغی اتل شمس ایران مملکتی‌نینگ یوک تـَشووچی ترانسپورت واسطه‌لری مملکت‌گه کیریب کیلیشینی و نا قانونی تـَشیش عملیاتی‌نی محاکمه قیلدی.
تشقی ایشلر وزیرلیگی نینگ نماینده‌سی، ایران بیلن بولگن موجود معمالر افغانستان اسلامی جمهورلیگی‌نینگ تهران‌ده‌گی ایلچی خانه‌سیگه خبر قیلینگن دیب ایتدی.
اوشبو ییغیلیش‌ده، مالیه وزیرلیگی‌نینگ نماینده‌سی، ناقانونی یوک تـَشیش یاکه وزننی آرتدیریب یوباریش عملیاتی خصوصیده سوزلب، اوشبو وزیرلیک مملکت‌گه آغیر وزن‌لی موترلر کیریب کیلیش آلدینی آلیش اوچون مملکت نینگ باجخانه لریده الکترونیکی ترازولرنی اورنتیب و فعال ایته‌دی دییه معلوم قیلدی.
ییغیلیش سونگ چاغیده، مالیه وزیرلیگی الکترونیکی ترازولرنی اورنتیش و فعاللشتیریش جریان‌نی تیزلشتیریشی توغرسیده حرکت قیلیب، مالیه وزیرلیگی همده تشقی ایشلر وزیرلیگی مذکور معمالر حقیده افغانستان و ایران قوشمه اقتصادی کمیته‌سی‌نینگ نوبت‌ده‌گی ییغیلیشیده بحث قیلیشی لازم دیب قرار قیلیندی.
شونینگ‌دیک، مذکور معمالرنی تعقیب ایتیش اوچون، نوبت‌ده‌گی ییغیلیش ایچکی ایشلری وزیرلیگی، جماعت ایشلری وزیرلیگی، خوف‌سیزلیک کینگشی و ترافیک ریاستی نینگ نماینده لری اشترکی بیلن اوتکزیله‌دی.