کابینه نینگ ییغیلیشی ده آلینگن قرار اساسی‌ده سابق والی لر نی تجربه لریدن فایده لنیش اوچون سابق والی‌لر مصلحت کینگشی ایجاد ایتلیش مقصدیده جمهور رییسلیک نینگ عالی کینگشلرینی بیرلشتیریش ریاستی تامانیدن ییغیلیش اوتکزیلدی.
اوشبو ییغیلیش‌ده، مالیه وزیرلیگی و محلی ارگان‌لر اداره سی نینگ نماینده لری اشتراک قیلیب، جمهور رییسلیک نینگ عالی کینگشلرینی بیرلشتیریش بولیمی باشلیغی شاپور ژمن سابق والی لرگه مصحلحت کینگشی نی ایجاد قیلیش، تشکیلات، مالی امکانیت‌لر و مذکور کینگش نینگ طلب‌لری حقیده صحبت قیلدی.
عین حالده، محلی ارگانلر اداره سی نینگ نماینده سی اوز قره‌ش و پیشنهاد لرینی سابق والی‌لرگه مصحلت کینگشی‌نی ایجاد قیلیش بودجه سی حقیده تیارلب و مالیه وزیرلیگی نینگ نماینده سی بیلن شریک قیلدی.
اوشبو ییغیلیش‌ده، محلی ارگان لر اداره سی پیشنهاد قیلگن تشکیل سانی‌ نی آزلشتیریب و موجود امکانیتی دن فایده لنشی کیریک دیب، بولمگن تقدیرده، اداری اصلاحات و ناحربی خذمتلر مستقل کمیسیونی نینگ همکارلیگی بیلن اوشبو کینگش ده ینگی تشکیل قوریشیگه قرار قبول قیلیندی
عین حالده، محلی ارگانلر اداره سی مالی امکانیت ریجه‌سینی سابق والی لر مصلحت کینگشی ایجاد بولیش حقیده ترتیب گه سالیب و مالیه وزیرلیگی کیله جک ییلده معلوم بیر بودجه نی اوشبو کینگش اوچون اختصاصلنتیریشی اوچون قرار قبول قیلیندی .