مملکت حزب‌لری‌نینگ بیرلشتیریش مقصدیده همده اولرنینگ حاضرگی نظام و ملی پروسه لرنی کوچلنتیریش ساحه سیده مهم رول‌لری بارلیگی حقیده بیر قطار حزب لر نماینده لری اشتراکی بیلن ا.ا.ج.رییسلیگی ایشلری بوییچه عمومی اداره ریاستی نینگ فرهنگی و اجتماعی ایشلری بوییچه ریاستی تامانیدن موافق‌لشتیریش ییغیلیش اوتکزیلدی.
فرهنگی و اجتماعی ایشلری بوییچه ریاستی نینگ باشلیغی محبوب شاه محبوب سیاسی حزب‌لرنینگ ملی پروسه لر توغریسیده بولگن رولی حقیده صحبت قیلیب، موجود وضعیت‌ده، حزب لر و سیاسی آقیم‌لر بیرلشیب، نظام همده اوتکن نیچه ییل‌لیک یوتوق لردن حمایت قیلیش لری کیرک دیب؛ تاکید قیلدی.
اوشبو ییغیلیش‌ده، بیر قطار سیاسی حزب‌لر نماینده لری، حزب لر نینگ تینچیلیک و سیلاوو مسله لری گه اوخشه‌گن ملی پروسله لرگه قندی شکلده اشتراک قیلیشلری ممکن دیب؛ اوز تکلیف لرینی حکومت و سیاسی حزب لر اورته سیده بیرلیک و موافلشتیریش کیلیشی اوچون ایتیب اوتدیلر.
حزب لر نماینده لری، نظام و اونینگ اوتکن 20ییلده گی یوتوق لرینی قول‌لب- قوتلش اوچون مالی و جانی قربانلیک بیریشگه تیار میز چونکه افغانستان خلق نینگ قربانلیک لری و خلق دنیا بوییچه مملکت لرنینگ قول‌لب- قوتلش نتیجه سیده شکل‌لنگن و شو سبب اوشبو نظام اوزایاغ آستیده توریش کیرک دیب ایتدیلر.
اوشبو ییغیلش‌ده، سیاسی حزبلر اوز برنامه و ریجه لرینی قوشمه فعالیت قیلیش اوچون بیر سایه‌بان آستیده تیارلب یوباریشگه قرار قبول قیلیندی .