خاتین- قیزلر وزیرلیگی نینگ معمالرینی حل ایتیش، همده اوشبو وزیرلیک ریجه لری توغریسیده بحث قیلیش مقصدیده ا.ا.ج.رییسلیگی ایشلری بوییچه عمومی اداره‌سی نینگ فرهنگی و اجتماعی ایشلری بوییچه ریاستی تامانیدن خاتین – قیزلر وزیرلیگی نینگ معینی و بیرقطار مسوول‌لری اشتراکی بیلن ییغیلیش اوتکزیلدی.
ا.ا.ج.رییسلیگی ایشلری بوییچه عمومی اداره‌سی‌نینگ فرهنگی و اجتماعی ایشلری بوییچه ریاستی باشلیغی محبوب شاه محبوب، خاتین-قیزلر وزیرلیگی نینگ قیلگن فعالیت لری همده ریجه لری توغریسیده ایسلب اوتیب، جمهور رییسلیک عالی مقامی‌نینگ بویروغی‌لر اساسی‌ده مملکت نینگ خاتین-قیزلری اوز فکرلرینی بوتون ملی پروسه ‌لرگه شریک قیلیش لری لازم دیب ایتدی .

او، جلالتمآب جمهور خاتین-قیز لرنینگ دیاسپورای امکانیت و قابلیت لریدن حمایه قیلیب و تشقی اولکه لرده بولگن متخصص خانم‌لر مملکت خاتین-قیز لری فعالیت لری نی قول‌لب- قوتلش مقصدیده و ملی پروسه لرگه اشتراک قیلیش اوچون اوز فکرلرینی بیلدیریش لری لازم دیب ایتدی.
عین حالده، خاتین –قیزلر وزیرلیگی نینگ معینی، مذکور وزیرلیک نینگ فعالیت لری حقیده صحبت قیلیب، اوشبو وزیرلیک خاتین- قیزلرنینگ اشتراکی اوچون ملی برنامه لرنی یولگه قوییب، خانم لرگه ملی رواجلنیش برنامه لرنی ترقتیب و اولر اوچون کیرکلی ریجه لرینی عملگه آشیریب کیلگن دیب ایتدی.
او ، اوشبو وزیرلیک عایله لر باغلری‌نینگ اورنیده آگاه‌لنتیریش مرکزلر، بازار لر و عایله لر اوچون تعلیمی فعالیتلر مرکزی قوریشگه قرار قیلیب، بو یول بیلن مملکت خاتین – قیزلرینی بیرلشتیریش اوچون همده اولرنی قول‌لب- قوتلش اوچون ایشلر عملگه آشیب کیلیشی ممکن دیب ایتدی
اوشبو ییغیلیش‌ده، خاتین – قیزلر وزیرلیگی و ا.ا.ج.رییسلیگی نینگ ایشلری بوییچه عمومی اداره ریاستی نینگ نماینده لری دن تشکیل ایتیلگن قوشمه کمیته ایجاد ایتیلیب و خاتین – قیزلر وزیرلیگی نینگ ریچه لرینی قیته کوریب چیقیش و خاتین-قیز لرنینگ ملی پروسه لرگه قوشلیشی همده 8انچی مارچ خلق ارا خاتین-قیز لر کونی‌نی قندی شکلده اوتکزیشی حقیده ایشلب چیقیشلری لازم، دیب قرار قبول قیلینیدی.