مملکت دین عالم‌لری‌نینگ معمالری و ایستک‌لرینی حل ایتیش مقصدیده ا.ا.ج.رییسلیگی‌ ایشلری بوییچه عمومی ریاستی‌نینگ فرهنگی و اجتماعی ایشلری بوییچه ریاستی تامانیدن دینی عالم‌لر ملی کینگشی، معارف وزیرلیگی نینگ اسلامي تعلیمات معینیتی و ارشاد، حج و اوقاف وزیرلیگی نینگ نماینده لری اشتراکیده موافق‌لشتیریش ییغیلیشی اوتکزیلدی.
بیرینچی‌‌دن، ا.ا.ج.رییسلیگی ایشلری بوییچه عمومی ریاستی‌نینگ‌ فرهنگی و اجتماعی ایشلری بوییچه ریاستی باشلیغی محبوب شاه محبوب جلالتمآب مملکت جمهور رییس‌نینگ دینی عالملر حقیده‌گی قره‌شلرینی بیان ایتیب و جلالتمآب جمهور رییس نینگ باشچیلیگی پیتیده، دینی عالم‌لر، مسجدلر و باشقه دینی نهاد لرگه علیحده اعتبار بیریلگنینی معلوم قیلدی.
اوشبو ییغیلیش‌ده، بیر قطار دینی عالم‌لر مسجدلر رسمی ایتیلیشی، دینی مدرسه لر حمایه قیلینیب یوکسلیشی، جلالتمآب جمهور رییس نینگ عالملریگه بیرگن وعده‌لری تعقیب ایتیلیشی، عالم‌لر شهیدلری عایله لری اوچون اکرامیه تولش و مملکت دینی عالم لر جانی، همده دینی نهادلر خوفسیزلیگی‌نی تامینله‌نیشی طلب قیلیندی.
ییغیلیش سونگی‌ده، مملکت نینگ دین عالم‌لری، عالملر شهیدلری عایله لریگه اکرامیه تولش اوچون بیر ریجه ترتیب بیریب، ا.ا.ج.رییسلیگی نینگ ایشلری بوییچه عمومی ریاستیگه یوباریشی کیره‌ک، همده دیني فعالیتلر آلیب باره‌دیگن نهادلر آره‌سیده بیرلیک ایجاد ایتیلیب، جلالتمآب جمهور رییس نینگ مملکت دین عالملریگه بیرگن وعده لری تیز عملگه آشیریشلری لازم، دییه قرار قیلیندی.