دیاسپورانینگ پالیسی‌سی، اونی اَنیقلش و منسجم قیلیش بوییچه بحثلر بولیب اوتدی
افغاني دیاسپورانینگ پالیسی‌سی، اونی اَنیقلش و منسجم قیلیش بوییچه ا.ا.ج. رییسلیگی ایشلری اداره‌سی‌نینگ فرهنگي، اجتماعي و سیاسي ریاستی تامانیدن ا.ا.ج. رییسلیگی ایشلری اداره‌سی‌نینگ دولت ایشلرینی منسجملشتیریش ریاستی اورین‌باسری عبدالکریم توتاخیل رهبرلیگیده و عالي اوقوو وزیرلیگی و اجتماعي ایشلر وزیرلیگی‌نینگ معینلری، همده جمهور رییس بیرینچی اورین‌باسرلیگی، قاچقینلر وزیرلیگی و تشقی ایشلر وزیرلیگی‌نینگ نماینده‌لری اشتراکیده، اویغونلشتیریش ییغیلیش بولیب اوتدی.
ا.ا.ج. رییسلیگی ایشلری اداره‌سی‌نینگ دولت ایشلرینی منسجملشتیریش ریاستی اورین‌باسری داکتر عبدالکریم توتاخیل افغاني دیاسپورانینگ علمي و تخنیکي ظرفیتی و کوچیدن فایده‌لـَنیش توغریسیده‌گی جلالتمآب جمهور رییس‌نینگ ملاحظه‌لرینی بیان ایتیشی یانیده، اولرنی اَنیقلش و منسجم قیلیش بوییچه جمهور رییسلیک عالي مقامی تامانیدن وظیفه‌لنگن اداره‌لر و وزیرلیکلر ایش پروسه‌سیگه سرعت بیریلیشی اوچون هماهنگلیکده ایش بجریشلری لازم، دییه تأکید قیلدی.
اوشبو ییغیلیشده، قاچقینلر وزیرلیگی‌نینگ نماینده‌سی، دیاسپورا پالیسی‌سی ایشلب چیقیلیشی توغریسیده معلومات بیریب، بو وزیرلیک بوتون ملي اداره‌لرنینگ پالیسی یکونلـَنیشی توغریسیده‌گی ملاحظه‌لرینی توپلب، اولرنی متنگه سیغدیریب، کیین ا.ا.ج. رییسلیگی‌نینگ ایشلری اداره‌سیگه رسمي شکلده جونته‌دی، دیدی.
عالي اوقوو وزیرلیگی‌نینگ معینی هم خارجده‌گی افغان علمي و تخنیکي کادرلری بیلن هماهنگلیک ایجاد ایتگنیدن خبر بیریب، بو وزیرلیک متخصصلرنی منسجملش بوییچه کیره‌کلی ایشلرنی بجرگن و اولر هم افغانستان بیلیم‌یورتلری‌نینگ تورلی بولیملری بوییچه اوز تخصصي فکرلرینی بیان ایتیشگه تیاردیرلر، دیب ایسله‌تیب اوتدی.
عینِ حالده، جمهور رییس بیرینچی اورین‌باسرلیگی‌نینگ نماینده‌سی اوشبو اداره‌نینگ بو توغریده‌گی فعالیتلری حقیده معلومات بیریب، افغاني دیاسپورانی منسجملش مسوولیتی جمهور رییس بیرینچی اورین‌باسرلیگیگه تاپشیریلگن، اروپا و امریکاده ایش آلیب باره‌یاتگن افغاني دیاسپورا نهادلری و تشکیلاتلری بیلن کیره‌کلی هماهنگلر بجریلگن، دییه بیان ایتدی.
اجتماعي ایشلر و تشقی ایشلر وزیرلیکلری هم ظرفیتلر و خارجده‌گی متخصص کادرلرنی هماهنگ ایتیش، اَنیقلش و منسجم قیلیش تیارگرچیلیک کورگنلری بوییچه معلومات بیریب، تشقی ایشلر وزیرلیگی ینگی ییل تشکیلاتیده دیاسپورا اورین‌باسرلیگی قونسلي ایشلر ریاستیگه تیگیشلی بولیشینی تکلیف ایتگن و اجتماعي ایشلر وزیرلیگی ایسه اولرنی ایشگه آلیش بوییچه دولتي و نا دولتي نهادلر، همده خلق ارا تشکیلاتلر بیلن صحبت اوتکزگن، دییه خبر بیردی.
اوشبو ییغیلیشده، ا.ا.ج. رییسلیگی ایشلری اداره‌سی‌نینگ فرهنگي، اجتماعي و سیاسي علاقه‌لر ریاستی، همده خلق ارا علاقه‌لر ریاستی، قاچقینلر وزیرلیگی، تشقی ایشلر وزیرلیگی، عالي اوقوو وزیرلیگی و اجتماعي ایشلر وزیرلیگی بیلن همکارلیکده هماهنگلیک ایتیش و ایشلرنی تیزلشتیریشلری لازم، دییه قرار قیلیندی.
شونینگ‌دیک ییغیلیشده، دیاسپوراگه تیگیشلی حجتلر بیرلشتیریلیب، جمهور رییس بیرینچی اورین‌باسرلیگی‌نینگ دفتری خارجده یشه‌یدیگن متخصصلرنی اَنیقلش و منسجم قیلیش لایحه‌سینی نظردن اوتکزیش اوچون تشقی ایشلر وزیرلیگی و قاچقینلر وزیرلیگیگه جونـَتیشلری لازم، دییلدی.