ساغلیقنی سقلش وزیرلیگی همده عالی اوقوو وزیرلیگی خادم الحرمین الشرفین فرهنگی مرکزی اورنیده تخصصي کسلخانه بناسینی قوریش ریجه‌سینی ترتیبگه سالیش اوچون موظف ایتیلدیلر
اوشبو ییغیلیش، خادم الحرمین و الشریفین فرهنگی مرکزی اورنیده اختصاص‌لنگن کسلخانه بناسینی قوریش حقیده بولیب، ا.ا.ج.رییسلیگی ایشلری بوییچه عمومی ریاست‌نینگ خلق ارا علاقه‌لر ریاستی تامانیدن، همده تشقی ایشلر وزیرلیگی، ساغلیقنی سقلش وزیرلیگی، شهر قوردیریش و ییرلر وزیرلیگی، محلی ارگان‌لر مستقل اداره‌سی و کابل بلدیه‌‌سی نماینده‌لری‌نینگ اشتراکیده بولیب اوتدی.
اوشبو ییغیلیش‌ده، ا.ا.ج.رییسلیگی ایشلری بوییچه عمومی ریاست‌نینگ خلق ارا علاقه‌لر ریاستی‌نینگ رییسی اتل شمس، مذکور موضوع حقیده معلومات بیریب، مملکت جلالتمآب جمهور رییسی‌نینگ ملاحظه‌لری همده سعودی عربستان بیلن بولگن کیلیشووگه اساساً، خادم الحرمین و الشرفین فرهنگی مرکزی اورنیده مملکت ولایت‌لریدن بیریده اختصالنگن کسلخانه بنا قیلنه‌دی، دیدی..
او، تیگیشلی وزیرلیک‌لر و اداره‌لر کسلخانه بنا قیلینیشی اوچون انیق بیر ییرنی معلوم قیلیش بوییچه تدقیقات قیلیب و شو توغریده عربستان مملکتی بیلن صحبت قیلسین‌لر، دیب ایتدی.
اوشبو ییغیلیش‌ده، تشقی ایشلر وزیرلیگی‌نینگ نماینده‌سی بیزنینگ وزیرلیگیمیز بو توغریده سعودی عربستان بیلن صحبت قیلگن و اولر هم افغانستان دولتی‌نینگ ایستکلری و ایتگن پیشنهادی اساسیده اختصالنگن کسلخانه‌نی بنا قیله‌دی، دیب اَیتیب اوتدی.
ییغیلیش‌ده، کسلخانه‌نینگ بنا قیلیش مکانی‌نی انیق‌لش توغریسیده هر تامانلـَمه بحث بولیب، ساغلیقنی سقلش وزیرلیگی عالی اوقوو وزیرلیگی‌نینگ همکارلیگی بیلن کسلخانه‌نی قوریش پروپوزلی‌نی افغانستان ایستکلریگه اساساً ترتیب بیریب، همده تشقی ایشلر وزیرلیگی کسلخانه‌نینگ قوریلیش مکانی انتقال تاپگنی توغریسیده سعودی عربستان‌نی آگاهلنتیریشی لازم، دییه قرار قیلیندی.