ا.ا.ج.رییسلیگی ایشلری بوییچه عمومی ریاستی نینگ ملي اقتصاد ریاستی تامانیدن، جمهور رییسلیک عالي مقامی‌نینگ کابل بلدیه‌سی‌نینگ مُلکیتلرینی اجاره‌گه بېریش لایحه‌سینی یکونلنتیریش و بوتون تۉی هۉتللری‌نینگ شرطنامه‌لرینی کۉریب چیقیش تۉغریسیده‌گی بویروغینی عملگه آشیریش مقصدیده، جمهورلیک ریاستی ایشلر اداره‌سی‌نینگ نظارت و بهالش ریاستی باشلیغی، مالیه وزیرلیگی، اراضی و شهر قوردیریش وزیرلیگی، مدنیت و اخبارات وزیرلیگی، محلي اُرگانلر مستقل اداره‌سی و کابل بلدیه‌سی نماینده‌لری اشتراکیده بیر ییغیلیش دایر اېتیلدی.
اوشبو ییغیلیشده، جمهور رییسلیک عالي مقامی‌نینگ بویروغی تۉغریسیده اشتراکچیلرگه توضیحات بېریلدی. عینِ پـَیتده، جمهورلیک ریاستی ایشلر اداره‌سی‌نینگ نظارت و بهالش ریاستی باشلیغی محمد گُل کۉچي اشتراکچیلردن بوتون تۉی هۉتللری‌نینگ شرطنامه‌سینی کۉریب چیقیش اوچون تۉلیق حجتلرنی جمهورلیک ریاستی‌نینگ ایشلر اداره‌سیگه جۉنـَتیشلرینی سۉره‌دی.
شونینگ‌دېک، جمهورلیک ریاستی ایشلر اداره‌سی‌نینگ ملي اقتصاد ریاستی باشلیغی فرهاد منصوري، کابل بلدیه‌سی‌نینگ مُلکیتلرینی اجاره‌گه بېریش لایحه‌سی تۉغریسیده صحبت قیلیب، اوشبو لایحه، یېرنینگ بهاسینی اَنیقلش کۉرستمه‌سی یکونلنگندن کېین، همده اوشبو کۉرستمه جمهورلیک ریاستی ایشلر اداره‌سی‌نینگ ایش‌بیلرمانلری تامانیدن کۉریب چیقیلگنیدن سۉنگ وزیرلر مجلسیگه جۉنـَتیله‌دی، دېدی.
اوشبو ییغیلیشده، مُلکیتلرنی اجاره‌گه بېریش لایحه‌سی، عدلیه وزیرلیگی تامانیدن رسمي صورتده و یېرنینگ بهاسینی اَنیقلش کۉرستمه‌سی بیلن بیرگه 10 کون ایچیده، همده تېگیشلی اداره‌لر تامانیدن تۉی هۉتللریگه عاید حجتلر 5 کون ایچیده، جمهورلیک ریاستی ایشلر اداره‌سیگه جۉنـَتیلیشی لازم، دېیه قرار قیلیندی.