بغلان ولایتی دشت الوان نینگ 500کیلو وات برق لینی‌ده بولگن اوزیلیش قیینچیلیگی‌نی حل قیلیش حقیده، ا.ا.ج.رییسلیگی ایشلری بوییچه عمومی اداره ریاستی نینگ ملی اقتصاد ریاستی تمانانیدن برشنا شرکتی نینگ نماینده سی، بغلان والی‌سی و ملی و ولایت کینگش نماینده لری نینگ اشتراک بیلن موافقلشتیریش ییغیلیشی بولیب اوتدی.
اوشبو ییغیلیش‌ده، ا.ا.ج.رییسلیگی ایشلری بوییچه عمومی ریاستی نینگ مصلحتچی سی شیر محمد بهادر موضوع توغری ده جلالتمآب جمهور رییس‌نینگ حکمی‌نی اوقیب، قیینچیلیگ‌نی حل قیلیشی اوچون، بهادر جنابلری نینگ رهبرلیگیده بیر هییت سیلنگن، اولر بغلان ولایتی ده سفر قیلیب و قیینچیلیگ نی کوریب چیقیش دن کیین نتیجه نی گزارش ترتیبی گه سالیب جمهور رییسلیک عالی مقامی گه یوباریشگه حرکت قیله دیلر دیب ایدی.
ا.ا.ج.رییسلیگی نینگ ایشلری بوییچه عمومی ریاستی اقتصاد ریاستی نینگ رییسی فرهاد منصور، اوشبو توغریده، برشنا شرکتی، مالیه وزیرلیگی، بغلان محلی اداره سی، پارلمان وکیل لری و ولایت کینگش اعضالری نینگ هر تمانلمه همکارلیگ لرینی مهم دیب ایتدی.
مذکور پروژه نینگ قیینچیلیگی حقیده برشنا شرکتی نینگ نماینده سی، مذکور قیینچیلگ نی خلقی‌میز و نماینده لرنینگ همکارلیگی بیلن حل قیلیشی میز ممکن دیب ایتدی.
بغلان ولایتی نینگ بیر قنچه کینگش اعضالری، بغلان والی سی ویدیو کنفرانس آرقلی برق پروژه سی نینگ قیته تمدید بولیشی اوچون هرتمانلمه همکارلیک وعده لرینی بیردیلر.
ییغیلیش چاغیده، تعین بولگن هییت‌لر یقین کیله جکده، برق لینی‌ده بولگن اوزیلیش قیینچیلیگی‌نی حل قیلیشی و جمهورلیک ریاستی عالی مقامی نینگ حکمی عملگه آشیشی اوچون مالیه وزیرلیگی نینگ همارلیگی بیلن بغلان ولایتی نینگ خلقی بیلن صحبت قیلیش اوچون مذکور ولایت ده سفر قیله میز دیب ایتدی.