ا. ا.ج ایشلری بوییچه عمومی ریاست نینگ دولت ایشلرینی بیرلشتیریش اورین باسری داکتر عبدالکریم توتاخیل باشچیلیگده بولیب اوتگن ییغیلیشده ایچکی هوا یوللر شرکتلریدن دولت قرضلرینی آلیش مساله سی اوستیده بحث قیلیندی. مذکور ییغیلیشده نا حربی هوا یوللر اداره سی، افغاان آریانا شرکتی، کام اَیر، داوی گروپ و باشقه بیر قنچه کارگو شرکتلرنینگ نماینده لری قتنشگن ایدیلر. اولتیریشده دولت نینگ ایچکی هوا یوللر شرکتلری اوستیده گی قرضلری باره سیده فکر المشتیریلدی. بیرینچیدن نا حربی هوا یوللر اداره‌سی نینگ پلان و پالیسی معینی امان زیب انصاری گپیریب، افغان آریانا، کام اَیر، پامیر، صافی، افق شرق، افغان جیت هوا یوللر شرکتی قوشیمچه داوی گروپ و خراسان هوا یوللر کارگوسی 9/33 میلیون دالر و 366 میلیون افغانی دولتدن قرضدار ایکنینی تیلگه آلدی. هوا یوللر شرکتلری نینگ مسووللری، حکومت مذکور قرضلرنینگ کمه‌یتیریلیشی یا – ده معافیتی باره‌سیده همکارلیک قیلگن، چونکه شرکتلر کوپینچه شرطنامه‌نی بیکار قیلنگندن کیین یا – ده کرونا ویروس بحرانی پیتیده جریمه بولگنلر دیدیلر. ییغیلیش نینگ سونگگیده، ایچکی هوا یوللر شرکتی اوزلری نینگ حسابینی نا حربی هوا یوللر اداره‌سی بیلن تازه‌لب، کرونا ویروس بحرانی پیتیده‌گی مالیه‌نی کمیه‌یتیریش یا معافیتی توغریسیده‌ انیق پیشنهادلرینی بیلدیریشی کیره‌ک لیگی باره‌سیده قرار قبول قیلیندی.