ا.ا.ج. رییسلیگی ایشلری بوییچه عمومی اداره‌سی ایشلاوچیلری‌نینگ آذیق-آوقتینی تامینلاوچی شرطنامه‌لری توغریسیده ملی کینگش اعضالریدن بیری‌نینگ سلبی ادعاسینی رد ایتیش بوییچه مطبوعاتی اعلامیه


ا.ا.ج. رییسلیگی‌نینگ ایشلری بوییچه عموی اداره‌سی، اوشبو اداره‌نینگ سبزیجاتینی تامینلاوچی اوتّیز ملیون دالرلیک شرطنامه توغریسیده ملی کینگش اعضالریدن بیری‌نینگ ادعاسیدن کیین، ۰۲/۱۱/۱۳۹۹ تاریخده یازیلگن ۱۵۲۴۷ سانلی رسمی مکتوب بیلن، سبزیجات تامینلاوچی شرطنامه‌لرنینگ تفصیلاتینی، پارلمان ایشلری بوییچه دولت وزیرلیگی آرقه‌لی ملی کینگشگه اعلان ایتدی. ا.ا.ج. رییسلیگی‌نینگ ایشلر اداره‌سی، جمهور رییسلیک عالی مقامی‌نینگ ایچکی و تشقی مهمانلری‌نینگ آذیق-آوقتینی تامینلشی یانیده، اون‌بیش مینگلیک جمهور رییسلیک عالی مقامی‌نینگ دفتر ریاستی، عالی یَره‌شوو کینگشی، ملی خوفسیزلیک کینگشی و اونینگ یان واحدلریگه تیگیشلی بولگن دولت‌نینگ یوقاری مرتبه‌لی کیشیلرینی محافظه قیلیش و خوفسیزلیگی تامینلش ریاستی (سابق جمهور رییس حامد کرزی‌نینگ دفتری هم بونگه شامل‌دیر)، جمهور رییس بیرینچی اورین‌باسرلیگی‌نینگ دفتری، جمهور رییس ایکّینچی اورین‌باسرلیگی‌نینگ دفتری، جمهورلیک ریاستی‌نینگ عملیاتی و ملی رواجلَنیشنی حمایه قیلیش اداره‌سی، ملی خریدلر اداره‌سی، سرمایه یاتقیزیشگه قوله‌یلیک یره‌تیش واحدی، عامه استراتیژیک و علاقه‌لر اداره‌سی، پالیسی و استراتیژی اداره‌سی و ملی رواجلنش شرکتی ایشلاوچیلری‌نینگ آذیق-آوقتینی تامینلش اوچون هم مسوولیتلی‌دیر. ایتیش لازم که توپلم 33 ملیون افغانی (428000دالر) صرف ایتیلگن. شونگه بناً، ملی کینگشده‌گی ملت‌وکیللری تامانیدن بیان ایتیلگن ۳۰ ملیون دالرلیک رقم بوتونله‌ی ناتوغری و حقیقتدن اوزاق دیب بیلگیلنه‌دی. ا.ا.ج. رییسلیگی‌نینگ ایشلر اداره‌سی، اوشبو مکتوب‌نینگ بوتون تفصیلاتیدن آگاهلنتیریشی یانیده، ملی کینگشدن ناتوغری معلوماتلرنی بیان ایتیب، سلبی فکرلرنی یایمسلیک و بو بیلن خلق ذهنیتینی بوزمسلیگینی سوره‌دی.