وزارت امور داخله

د افغانستان اسلامي جمهوریت کورنیو چارو وزارت د ملي پولیسو له لارې د قانون حاکمیت او تنفیذ مسئول، د عامه نظم او ثبات تامین، د جرمونو کشف او ورسره مبارزه، د سرحدونو کنټرول، په هېواد کې د نافذه قوانینو په اساس او له هر ډول قومي، ژبني، جنسیتي او عقیدتي تبعیض لرې په افغانستان کې د مېشتو خلکو له حقونو، شتمنیو او ازادۍ، دفاع کوي.
کورنیو چارو وزارت د سولې پروګرام د اهدافو او اصولو د تحقق په رعایت کولو او د سولې پروګرام د عملي پلان په تطبیق کولو د (۱۳۸۹ غبرګولی) د سولې مشورتي جرګې پرېکړه لیک د پایلو پر اساس د نوې ځای پر ځای کېدنې، د یوې قانونمندې ټولنې جوړولو، د ثبات، تلپاتې سولې او د افغانستان اقتصادي ـ ټولنیز انکشاف ته زمینه برابروي.
همدا راز د ملي پولیسو عمده دندې؛ له اخلاقي تېروتنو، ټولنیز فساد او د عامه نظم له ګډوډونکو اعمالو سره مبارزه؛ له نشه یي توکو سره مبارزه، سازمان شوي جرمونه، فساد او بغاوت؛ له ترهګرۍ سره مبارزه، له اړوندو امنیتي ارګانونو سره په ګډې همکارۍ اقتصادي او انټرنېټي جرمونه، د ترافیکي چارو د سالم نظم تنظیم، له اړوندو دولتي ارګانونو سره په همکارۍ د بېړنیو حالاتو او پېښو د مخنیوي لپاره د تدابیرو نیول؛ د سرحدونو کنټرول، د خلکو او وسایطو د تګ راتګ څارنه او له دې ډلې د نړیوالو هوایي ډګرونو څارنه، شاملې دي.