د جمهور رییس خبرې

ترڅو چې په دې ټولنه کې یو «قوي دولت» رامنځته نه شي، سوله به تلپاتې نه وي. د قوي دولت معنی شخصي قدرت نه دی؛ د قوي دولت معنی د قانون حاکمیت دی، د اساسي قانون تطبیقول دي او د هر افغان مساوات له بل افغان سره تامینول دي.

د خبرې ادامه

د ارګ تاریخچه

کابل ښار پخوا شپږ دروازې لرلې، ځینې هغه دیوالونه چې اوس هم د کابل دغرونو پر سرونو ښکاري، لاندې را ښکته شوې وو او دغه دیوالونه ترکابل ښار را چاپیر شوي وو. دیادولو وړ ده چې د کابل پر پخوانیو دیوالونو سربیره هغه دیوال چې د احمدشاه بابا په امر جوړ …

ادامه

د کابینې د چارو د انسجام ریاست

د کابینې چارو د انسجام ریاست په حقیقت کې د افغانستان د اسلامي جمهوریت د سکرتریت یا دارالانشاء په توګه دنده پرمخ وړي. دغه ریاست د دولت د چارو د انسجام معاونیت په چوکاټ کې تنظیم شوی دی.

د کابینې چارو د انسجام ریاست د کابینې غونډې پلانوي او د کابینې د غونډو اجنډا ترتیبوي. همداراز د کابینې په غونډو کې د بحث وړ اسناد د تقنیني اسنادو ، د دولت د نافذه پالیسیو، احکامو، فرمانونو او د موضوع اړوند د پخوانیو مصوبو په اساس ترتیبوي، تحلیل او ارزونه یې کوي.

دغه ریاست د کابینې د غونډو پرېکړې څاري او د ټاکل شوې نیټې په اساس یې په سیستماتیک ډول راپور بېرته د کابینې غونډو ته ارایه کوي.